ye hamari mai-kahsi ka muKHtasar afsana tha

ye hamārī mai-kahsī kā muḳhtasar afsāna thā

aañkh saaqī se laḌī thī haath meñ paimāna thā

goshe goshe ko mire dil ne munavvar kar diyā

dāġh-e-dil kahte the jis ko ik charāġh-ḳhāna thā

umr bhar us kā tasavvur ḳhāna-e-dil meñ rahā

jis ko ka.aba ham ne samjhā thā vo ik but-ḳhāna thā

paas daulat thī to begāne yagāne jam.a the

jab ga.ī daulat yagāna thā na vo begāna thā

tū agar detī sahārā duur hotīñ kulfateñ

kaam itnā sā terā ai himmat-e-mardāna thā

dil ke jaane kā tumheñ kyuuñ 'bāġh' hai rañj-o-malāl

jaane do kambaḳht ko majnūñ sā thā dīvāna thā

ye hamari mai-kahsi ka muKHtasar afsana tha

aankh saqi se laDi thi hath mein paimana tha

goshe goshe ko mere dil ne munawwar kar diya

dagh-e-dil kahte the jis ko ek charagh-KHana tha

umr bhar us ka tasawwur KHana-e-dil mein raha

jis ko kaba hum ne samjha tha wo ek but-KHana tha

pas daulat thi to begane yagane jama the

jab gai daulat yagana tha na wo begana tha

tu agar deti sahaara dur hotin kulfaten

kaam itna sa tera ai himmat-e-mardana tha

dil ke jaane ka tumhein kyun 'bagh' hai ranj-o-malal

jaane do kambaKHt ko majnun sa tha diwana tha