main baitullah se masud tohfa le ke aaya hun

maiñ baitullāh se 'mas.ūd' tohfa le ke aayā huuñ

ġhilāf-e-ka.aba-e-aqdas kā TukḌā le ke aayā huuñ

ḳhudā kī raah kā yasrib se saudā le ke aayā huuñ

haqīqat meñ tarīqat kā ye tamġha le ke aayā huuñ

hai ab pesh-e-nigāh-e-shauq har-dam shān-e-rahmat kī

batā.ūñ kyā ki us sarkār se kyā le ke aayā huuñ

samātā hī nahīñ nazroñ meñ merī tuur kā manzar

kisī kā dil ke ā.īne meñ jalva le ke aayā huuñ

sharf hāsil huā darbār-e-ahmad meñ rasā.ī kā

maiñ bīmār-e-mohabbat thā mudāvā le ke aayā huuñ

shafā.at kā bharosa naqd-e-rahmat haath aayā hai

madīna aur makka se ḳhazāna le ke aayā huuñ

jo māñgā haq se vo paayā rasūl allāh ke dar se

kahūñ kyā hazrat-e-vā.iz maiñ kyā kyā le ke aayā huuñ

gayā thā sū-e-ka.aba sāz-e-āhañg junūñ le kar

madīna se ajab pur-kaif naġhma le ke aayā huuñ

nihāyat saḳht thī mas.ūd isyāñ kī girāñ-bārī

magar hazrat se baḳhshish kā sahārā le ke aayā huuñ

main baitullah se 'masud' tohfa le ke aaya hun

ghilaf-e-kaba-e-aqdas ka TukDa le ke aaya hun

KHuda ki rah ka yasrib se sauda le ke aaya hun

haqiqat mein tariqat ka ye tamgha le ke aaya hun

hai ab pesh-e-nigah-e-shauq har-dam shan-e-rahmat ki

bataun kya ki us sarkar se kya le ke aaya hun

samata hi nahin nazron mein meri tur ka manzar

kisi ka dil ke aaine mein jalwa le ke aaya hun

sharf hasil hua darbar-e-ahmad mein rasai ka

main bimar-e-mohabbat tha mudawa le ke aaya hun

shafaat ka bharosa naqd-e-rahmat hath aaya hai

madina aur makka se KHazana le ke aaya hun

jo manga haq se wo paya rasul allah ke dar se

kahun kya hazrat-e-waiz main kya kya le ke aaya hun

gaya tha su-e-kaba saz-e-ahang junun le kar

madina se ajab pur-kaif naghma le ke aaya hun

nihayat saKHt thi masud isyan ki giran-bari

magar hazrat se baKHshish ka sahaara le ke aaya hun