qatl-e-ashiq ke liye tadbir pahle aur thi
qatl-e-'āshiq ke liye tadbīr pahle aur thī
ab adā hai nāzukī shamshīr pahle aur thī
pahle ḳhat meñ ye na likkhā thā ki ham aane ko haiñ
ab nayā mazmūn hai tahrīr pahle aur thī
merī qismat ho ga.ī kyā aur ab milte nahīñ
pahle kyuuñ milte the kyā taqdīr pahle aur thī
'ahd-e-pīrī meñ kahāñ vo naujavānī meñ jo thī
āftāb-e-husn meñ tanvīr pahle aur thī
pahle ham un ke the ab vo haiñ hamāre shefta
aur hī sūrat hai ab tasvīr pahle aur thī
'qābil' ab to dar-nashīñ haiñ the kabhī pahlū-nashīñ
aur hī ġhurbat hai ab tauqīr pahle aur thī
qatl-e-'ashiq ke liye tadbir pahle aur thi
ab ada hai nazuki shamshir pahle aur thi
pahle KHat mein ye na likkha tha ki hum aane ko hain
ab naya mazmun hai tahrir pahle aur thi
meri qismat ho gai kya aur ab milte nahin
pahle kyun milte the kya taqdir pahle aur thi
'ahd-e-piri mein kahan wo naujawani mein jo thi
aaftab-e-husn mein tanwir pahle aur thi
pahle hum un ke the ab wo hain hamare shefta
aur hi surat hai ab taswir pahle aur thi
'qabil' ab to dar-nashin hain the kabhi pahlu-nashin
aur hi ghurbat hai ab tauqir pahle aur thi
- Book : Tazkira-e-shora-e-Uttar Pradesh Voll.X (Pg. 240)
- Author : Irfan Abbasi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
