کیابتائیں کہ کسے انجمن آرا دیکھا

کیابتائیں کہ کسے انجمن آرا دیکھا

جب کھلی آنکھ تو ہم نے ترا جلوہ دیکھا

ایک نقطہ میں نظر آتی ہے ساری دنیا

جلوہ آرائی قدرت کا تماشا دیکھا

تو عطا پاش بھی ہے تو ہی خطا پوش بھی ہے

میں نے دیکھا تری رحمت کا تماشا دیکھا

اک نہ اک روز ملے خاک میں محتاج وغنی

ہستی فانی انساں کا نتیجا دیکھا

کیوں مرے دل سے لڑائے ہے نگاہیں کوئی

کس سے جی لگ گیا اس آئینے میں کیا دیکھا

طور پر جس کا کرشمہ نہ کوئی دیکھ سکا

ہم نے گھر بیٹھے نظر بھر کے وہ جلوہ دیکھا

آپ غش کر گئے کیوں صورتِ موسیٰ قدسیؔ

جلوہ برق جہاں تاب کو پھر کیا دیکھا