طلب کردن امت عیسی علیہ السلام از امرا کہ ولی عہد از شما کدام است

حضرت عیسی کی امت کا معلوم کرنا کہ تم میں سے ولی عہد کون

ہے

ایک مہینہ کے بعد لوگوں نے کہا اے بزرگو!

سرداروں میں سے اس کا قائم مقام کون ہے

تا کہ اس کی جگہ ہم اس کو امام سمجھیں

تاکہ ہمارا کام اس کے ذریعہ مکمل ہو

جب کہ سورج غروب ہوگیا اور ہمیں داغ دے گیا

تو اس کی جگہ چراغ ضروری ہوگیا ہے

جب دوست کا چہرہ آنکھوں سے غائب ہو گیا

(تو) ہمیں (اس) کا قائم مقام اس کی یادگار چاہئے

جب فصل گل ختم ہوگئی اور چمن تباہ ہو گیا

تو پھول کی خوشبو کس سے طلب کریں ، گلاب سے

چونکہ خدا مشاہدہ میں نہیں آتا ہے

یہ پیغمبر اللہ کے قائم مقام ہیں

نہیں میں نے نائب غلط کہا بلکہ وہ اصل ہیں

اور اگر ان کو دو سمجھو گے تو برا ہوگا ، اچھا نہ ہوگا

نہیں وہ دو ہیں جب تک تو ظاہر پرست ہے

جو ظاہری بینی سے گذرا اس کے لئے ایک ہیں

جب تو بظاہر دیکھے گا تو تیری دو آنکھیں ہیں

تو ان کے اس نور کو دیکھ کہ وہ ایک ہی ہے

دونوں آنکھوں کی روشنی میں فرق نہیں کیا جا سکتا

جب انسان اس کئے نور پر نظر ڈالے

اگر تو دس چراغ ایک جگہ لے آئے

تو ہر ایک چراغ صورت میں دوسرے سے جدا ہوگا

ہر ایک کے نور میں فرق نہیں کیا جا سکے گا

بیشک جب تو اس کے نور کی طرف رخ کرے گا

اگر تو سو سیب اور سو بھی گنے

تو سو نظر آئیں گے لیکن جب ان کو نچوڑے گا تو ایک ہو جائیں گے

معانی میں تقسیم اور عدد نہیں ہے

تجزیہ اور اکائیاں ( بھی) معانی میں نہیں ہیں

یار کا یاروں سے اتحاد بہتر ہے

معنی کا اتباع کر ، ظاہر تو سرکش ہے

سرکش ظاہر کو ریاضت سے پگھلا دے

تا کہ تو اس کے نیچے خزانہ کی طرح وحدت کو دیکھ لے

اور اگر تو نہ پگھلا سکے تو اس کی مہربانیاں

بھی پگھلا دیں گی اے (مخاطب) میرا دل اس کا غلام ہے

وہ اپنے آپ کو دلوں میں بھی ظاہر کر دیتا ہے

اور وہ درویش کی گدڑی سی دیتا ہے

ہم بسیط اور بالکل ایک جوہر تھے

ہم بے سرو پا تھے اور وہ ہم سب کا سردار و مربی تھا

ہم سورج کی طرح ایک جوہر تھے

ہم میں گدلا پن نہ تھا اورپانی کی طرح صاف تھے

جب اس خالص نور نے صورت اختیار کی

تو وہ کنگرہ کے سایوں کی طرح متعدد بن گیا

گوپھن کے ذریعہ کنگرہ کو ڈھا دو

تاکہ اس فریق سے فرق مٹ جائے

اس راز کی تفصیل میں زور و شور سے بیان کرتا

لیکن میں ڈرتا ہوں کہ کہیں کوئی دل لغزش نہ کھا جائے

نکتے ، تیز تلوار کی طرح تیز ہیں

اگر تیرے پاس ڈھال نہیں ہے واپس بھاگ جا

اس تیز تلوار کے سامنے سپر کے بغیر مت آ

اس لئے کہ تلوار، کاٹنے سے نہیں شرماتی

اسی وجہ سے میں نے تلوار ، غلاف میں کر لی ہے

تاکہ کوئی الٹا پڑھنے والا ، الٹا نہ پڑھے

ہم قصہ کے اختتام پر آ گئے

دوستوں کے مجمع کی وفاداری کی وجہ سے

کہ وہ جو اس پیشوا کے بعد اٹھے

اس کی جگہ کوئی قائم مقام چاہتے تھے