Sufinama

تجھے ڈھونڈھتی ہیں نظریں مجھے اک جھلک دکھا جا

فنا بلند شہری

تجھے ڈھونڈھتی ہیں نظریں مجھے اک جھلک دکھا جا

فنا بلند شہری

MORE BYفنا بلند شہری

    تجھے ڈھونڈھتی ہیں نظریں مجھے اک جھلک دکھا جا

    مری زندگی کے مالک مری زندگی میں آ جا

    نہ غرض صنم کدے سے نہ حرم سے کوئی مطلب

    مجھے واسطہ ہے تجھ سے مرے دل میں تو سما جا

    تو بچھڑ گیا ہے جب سے مری نیند اڑ گئی ہے

    تری راہ تک رہا ہوں مرے چاند اب تو آ جا

    مجھے درد دے کے اپنا تو کہاں چھپا ہے جا کر

    مرا دل چرانے والے مجھے شکل تو دکھا جا

    ترا درد بن گیا ہے مری زندگی کا حاصل

    مرے دل پہ ہاتھ رکھ دے ذرا حوصلہ بڑھا جا

    مجھے آ کے دے سہارا یہ قدم نہ ڈگمگائیں

    کہیں میں بھٹک نہ جاؤں مجھے راستہ دکھا جا

    مرے نام کی نشانی نہ رہے جہاں میں باقی

    مری جان لینے والے مری قبر بھی مٹا جا

    ترے حسن پہ فدا ہوں ترے عشق میں فناؔ ہوں

    مجھے تیری آرزو ہے مری خلوتوں میں آ جا

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY