ba-har-lamha tafsir-e-soz-e-mohabbat shariat nahin hai to phir aur kya hai

ba-har-lamha tafsīr-e-soz-e-mohabbat sharī.at nahīñ hai to phir aur kyā hai

tasavvur tire tāq-e-abrū kā shab bhar ibādat nahīñ hai to phir aur kyā hai

mohabbat kī takzīb duniyā meñ kaisī mohabbat to hai mehr-e-tasdīq-e-hastī

vo afsāna ham tum hai unvān jis kā haqīqat nahīñ hai to phir aur kyā hai

idhar ishq ko shauq-e-nazzāra-bāzī udhar husn-e-sar-garm āfat-tarāzī

sar-e-bazm yuuñ un kā be-parda aanā qiyāmat nahīñ hai to phir aur kyā hai

adāoñ ko us kī kisī ne na samjhā sitamgar use kah ke muñh sab se pherā

magar phir bhī us ne kisī ko na chhoḌā ināyat nahīñ hai to phir aur kyā hai

ye duniyā ye har samt dil-kash nazzāre kahīñ lāla-o-gul kahīñ chāñd-tāre

yahāñ se vahāñ tak tajallī ke dhāre ye jannat nahīñ hai to phir aur kyā hai

banā kar hameñ apne jalvoñ kā maz.har kiyā saarī maḳhlūq se us ne bartar

ye e.azāz ye vaqār allāhu akbar mohabbat nahīñ hai to phir aur kyā hai

ye mazmūn ye jiddat sher-o-naġhma ye ilhām-e-sāmānī-e-fikr 'turfa'

taġhazzul kā me.ayār aur itnā ūñchā ye rahmat nahīñ hai to phir aur kyā hai

ba-har-lamha tafsir-e-soz-e-mohabbat shariat nahin hai to phir aur kya hai

tasawwur tere taq-e-abru ka shab bhar ibaadat nahin hai to phir aur kya hai

mohabbat ki takzib duniya mein kaisi mohabbat to hai mehr-e-tasdiq-e-hasti

wo afsana hum tum hai unwan jis ka haqiqat nahin hai to phir aur kya hai

idhar ishq ko shauq-e-nazzara-bazi udhar husn-e-sar-garm aafat-taraazi

sar-e-bazm yun un ka be-parda aana qiyamat nahin hai to phir aur kya hai

adaon ko us ki kisi ne na samjha sitamgar use kah ke munh sab se phera

magar phir bhi us ne kisi ko na chhoDa inayat nahin hai to phir aur kya hai

ye duniya ye har samt dil-kash nazzare kahin lala-o-gul kahin chand-tare

yahan se wahan tak tajalli ke dhaare ye jannat nahin hai to phir aur kya hai

bana kar hamein apne jalwon ka mazhar kiya sari maKHluq se us ne bartar

ye eazaz ye waqar allahu akbar mohabbat nahin hai to phir aur kya hai

ye mazmun ye jiddat sher-o-naghma ye ilham-e-samani-e-fikr 'turfa'

taghazzul ka meayar aur itna uncha ye rahmat nahin hai to phir aur kya hai