کچھ جوانی ہے ابھی کچھ ہے لڑکپن ان کا

کچھ جوانی ہے ابھی کچھ ہے لڑکپن ان کا

دو دغا بازوں کے پھندے میں ہے جوبن ان کا

یا الٰہی یہ تمنا ہے کہ روزِ محشر

لب پہ ہو نام ترا ہاتھ میں دامن ان کا

توڑ کر تختۂ مرقد کو نکل آؤں گا

بے کسی نام نہ لینا سرِ مدفن ان کا

ہائے اس عشق نے دونوں کو بنایا کافر

برہمن نام ہے میرا بت پر فن ان کا

وصل میں کیا ہے مرے پاس جو میں نذر کروں

دل اداؤں کا جگر ناز کا تن من ان کا

وصل نے لوٹ لیا دونوں کو تنہا پا کر

آج میرا نہ گریباں ہے نہ دامن ان کا