رکتا نہیں ہے خوف کبھی دل میں تار کا

رکتا نہیں ہے خوف کبھی دل میں تار کا

امیدوار رحمتِ پروردگار کا

پیشِ نظر ہے عارضِ رنگین یار کا

ہر وقت کر رہا ہوں نظارا بہار کا

ہر ایک تختہ کانپ رہا ہے مزار کا

اللہ رے اضطراب دلِ بے قرار کا

اس دم قرار گوشہ تربت میں بھی نہیں

اللہ رے اضطراب دل بے قرار کا

آیا جو فاتحہ کو وہ گل بے نقاب آج

گل ہوگیا چراغ ہمارے مزار کا

دل میں ہے درد لب پہ فغاں اور جگر میں ٹیس

یہ حال ہے ہمارے دل بے قرار کا

بعد فنا وفاؔ کی ہیں آنکھیں کھلی ہوئی

اب بھی ہے انتظار اسی غفلت شعار کا