کہتے ہیں وہ شوخی سے یہی حسن بیاں اور

کہتے ہیں وہ شوخی سے یہی حسن بیاں اور

بیتائی دل دردِ جگر آہ وفغاں اور

اک دم کا دلاسا تو رہے جان جہاں اور

انداز ہیں بیمار کے خاکم بدہاں اور

اس آپ کی ضد نے انہیں دشمن سے ملایا

ہاں حضرت دل آپ کو واللہ گماں اور

وہ شاخ جلالی یہ نشیمن مرا پھونکا

اب جانئے کیا چاہتی ہے برق تپاں اور

جلتے نہیں دیکھا اسے اٹھتے نہیں دیکھا

یہ آتشِ دل اور ہے کچھ اس کا دھواں اور

اف وہ نگہ پاس وفاؔ آہ وہ حسرت

مرتے ہی ہیں ارمان بھرے یوں تو جواں اور