اپنا من ہو، اپنا نگہباں، کیسا، کس کا ساتھ

دیکھ مسافر، جھوٹے سہارے دل تیرا توڑیں گے!

چلتا چاند اور چلتے بادل، سات تیرا چھوڑیں گے

تجھ کو ملیں گے رستہ چلتے جانے کتنے پات

اپنا من ہو، اپنا نگہباں کیسا کس کا سات

من کا محل رکھ چندن جیسا در پن جیسا صاف

تو ہر اک شے رکھ کانٹے پر، دل میں ہے گر انصاف

من گیانی ہے، میل نہ آوے، گرے نہ تیری بات!

اپنا من ہو، اپنا نگہباں، کیسا کس کا سات

دکھ سکھ تو جیون ساتھی ہیں دکھ میں پھر کیا رونا

اپنی ہی پرچھائیں سے تیرا خوفزدہ کیا ہونا

دن نہ رہا، تو رات بھی کب تک، کٹ جائے گی رات

اپنا من ہو، اپنا نگہباں، کیسا کس کا سات

تو دنیا کی لاج کی خاطر، بیچے دین ایمان!

سونے میں تو کھوٹ ملائے بن جائے انجان

تو چاہے گا جیتے کوی اور ہو تیری مات

اپنا من ہو اپنا نگہباں، کیسا کس کا سات