وفور غم میں یہ اپنی زباں سے کام لیتے ہیں

وفور غم میں یہ اپنی زباں سے کام لیتے ہیں

کہ ہم اے غوث الاعظم آپ ہی کا نام لیتے ہیں

نہ ان کو فکر دنیا کی نہ ان کو فکر عقبیٰ کی

جو تیرا نام سچے دل سے تیرا نام لیتے ہیں

ہمارے درد دل کی آپ ہوتی ہے خبر ان کو

نہ قاصد کی ضرورت ہے نہ وہ پیغام لیتے ہیں

ہوا کرتی ہے کیا کیا گیارہویں کی دھوم عالم میں

تبرک ہر طرف چل پھر کے خاص وعام لیتے ہیں

ہماری زندگی سے موت ہی بہتر ہے اے وشنوؔ

زبان ودل سے جب کچھ بھی نہیں ہم کام لیتے ہیں