یہ خوشی کیا ہے یہ غمی کیا ہے

یہ خوشی کیا ہے یہ غمی کیا ہے

اک تماشہ ہے زندگی کیا ہے

چاہنے والے کو جلاتے ہو

شمنوں سے یہ دل لگی کیا ہے

عمر گذری مگر نہیں سمجھا

ہائے اب تک بھلی بری کیا ہے

تجھ کو اب تک خبر نہیں ناداں

دوستی کیا ہے کج روی کیا ہے

اس کے جلوں میں گم ہوں کچھ ایسا

سوچتا ہوں کہ بیخودی کیا ہے

کس پہ روتا ہے کس پہ ہنستا ہے

ایک دھوکا ہے زندگی کیا ہے

گر کسی سے نہیں مجھے الفت

میری آنکھوں میں یہ نمی کیا ہے

مٹتی ہے خود کو دم بھر میں

کیا کہوں تم سے میکشی کیا ہے

دونوں عالم میں اس کے اے حاذقؔ

جس کا وہ ہو اسے کمی کیا ہے