مؤجزن دل میں ہے دریائے تولا تیرا

مؤجزن دل میں ہے دریائے تولا تیرا

ہند اب نہیں رہنے کا یہ شیدا تیرا

آنکھ میں نور تیرا دل میں ہے جلوا تیرا

گھر سے دروازہ میں آتا ہے اجالا تیرا

کون ہے وہ جو نہیں والہ و شیدا تیرا

کس کے دل میں نہیں اے یار تولا تیرا

جان جب تک ہے مرے سر میں ہو سودا تیرا

اور دل میں رہے بس عشق و تولا تیرا

دم جو جاتا ہے پلٹ کر نہیں آتا غافل

قافلہ روز عدم کو ہے روانہ تیرا

قدھی ھذہ ولیوں نے جھکائی گردن

اللہ اللہ عجب رتبہ ہے آقا تیرا

ہاتھ سینے پہ مرے پھیر دے یا پیر ذرا

دل کے آئینہ میں دیکھوں رخِ زیبا تیرا

اس قدر شمس و قمر میں جو چمک ہے شاید

اپنی آنکھوں سے لگایا ہے کفِ پا تیرا

لیس جسمی سے عیاں شانِ نبی ہے حاذقؔ

کب جدا سرور عالم سے ہے آقا تیرا