پیاریآ سنبھل کے نہں لا پچھوں پچھتاویں گا
جاندا جا نا آویں پھیر اودھے بے پرواہی ڈھیر
اودھے ڈہل کھلوندے شیر توں وی پھددیا جاویں گا
پیاریآ سنبھل کے نہں لا پچھوں پچھتاویں گا
خوہ وچ یوسف پائیو نے پھڑ وچ بزار وکائیو نے
اک اٹٹی مل پوائیو نے توں کوڈی مل پواویں گا
پیاریآ سنبھل کے نہں لا پچھوں پچھتاویں گا
نہں لا وکھ زلیخاں لئے اودھے آشک تڑپھن پئے
مجنوں کردا ہے ہے ہے توں اوتھوں کی لیاویں گا
پیاریآ سنبھل کے نہں لا پچھوں پچھتاویں گا
اتھے اکنا پوست لہائیدے اک آریآں نال چرائیدے
اک سولی پکڑ چڈھائیدے اتھے توں وی سیس کٹاویں گا
پیاریآ سنبھل کے نہں لا پچھوں پچھتاویں گا
گھر کلالاں دا تیرے پاسے اودھے آون مست پیاسے
بھر بھر پیون پیالے کاسے توں وی جیہ للچاویں گا
پیاریآ سنبھل کے نہں لا پچھوں پچھتاویں گا
دلبر ہن یگوں کت لؤں بھلکے کی جاناں کی ہو
مستاں دے نا کول کھلو توں وی مست سداویں گا
پیاریآ سنبھل کے نہں لا پچھوں پچھتاویں گا
بلہاؔ غیر شرحا نا ہو سکھ دی نیندر بھر کے سو
مونہوں انا الحک بگو چڑھ سولی ڈولے گاویں گا
پیاریآ سنبھل کے نہں لا پچھوں پچھتاویں گا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
