میں وچ میں نا رہ گئی رائی
جب کی پیا سنگ پیت لگائی
جد وصل وصال بنائے گا تد گنگے دا گڑ کھائے گا
سر پیر نا آپنا پائے گا میں اہ ہور نا کسے بنائی
جب کی پیا سنگ پیت لگائی
ہوئے نین نیڑاں دے بردے درشن سئے کوہاں توں کردے
پل پل دوڑن مارے ڈردے تیں کوئی لالچ گھت برمائی
جب کی پیا سنگ پیت لگائی
ہن اساں وحدت وچ گھر پائ آ واسا حیرت دے سنگ آیا
جیون جمن مرن ونجائآ آپنی سدھ بدھ رہی نا کائی
جب کی پیا سنگ پیت لگائی
میں جاتا سی عشق سکھالا چہن ندیاں دا وہن اجالا
کدی اجلا اگ بھڑکے کدی پالا نت برہوں اگ لگائی
جب کی پیا سنگ پیت لگائی
ڈیہوں ڈیہوں عشق نکارے بجدے آشک ویکھ اتے ول بھجدے
تڑ تڑ تڑک گئے لڑ لجدے لگ گآ نہں تاں شرم سدھائی
جب کی پیا سنگ پیت لگائی
پیارے بس کر بہتی ہوئی تیرا عشق میری دلجوئی
تیں بن میرا سکا نا کوئی اماں بابل بھئین نا بھائی
جب کی پیا سنگ پیت لگائی
کدی جا اسمانی بہندے ہو کدی اس جگ دا دکھ سہندے ہو
کدی پیر مغاں بن بہندے ہو میں تاں اکسے ناچ نچائی
جب کی پیا سنگ پیت لگائی
تیرے ہجرے وچ میرا حجرہ اے دکھ ڈاڈھا میں پر گزرا اے
کدے ہو مائل تھا مجرا اے میں تیتھوں گھول گھمائی
جب کی پیا سنگ پیت لگائی
تدھ کارن میں ایسا ہویا توں دروازے بند کر سویا
در دسویں اجلا آن کھلویا کدے مننے میری آشنائی
جب کی پیا سنگ پیت لگائی
بلہاؔ شاہو میں تیرے وارے ہاں مکھ ویکھن دے ونجارے ہاں
کجھ اسیں وی تنوں پیارے ہاں کہ میں ایویں گھول گھمائی
جب کی پیا سنگ پیت لگائی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
