کیوں اوہلے بہہ بہہ جھاکی دا
اہ پردا کس توں راکھی دا
کارن پیت میت بن آیا میم دا گھونگھٹ مکھ پر پائ آ
احد تے احمد نام دھرائی آ سر چھتر جھلے لولاکی دا
کیوں اوہلے بہہ بہہ جھاکی دا
تسیں آپے آپ ہی سارے ہو کیوں کہندے اسیں نیارے ہو
آئے آپنے آپ نظارے ہو وچ برجکھ رکھیا کھاکی دا
کیوں اوہلے بہہ بہہ جھاکی دا
تدھ باجھوں دوسرا کیہڑا ہے کیوں پائ آ الٹا جھیڑا ہے
اہ ڈٹھا بڑا اندھیرا ہے ہن آپ نوں آپے آکھی دا
کیوں اوہلے بہہ بہہ جھاکی دا
کتے رومی ہو کتے شامی ہو کتے صاحب کتے گلامی ہو
تسیں آپنے آپ تمامی ہو کہو کھوٹا کھرا سو لاکھی دا
کیوں اوہلے بہہ بہہ جھاکی دا
جس تن وچ عشق دا جوش ہویا اہ بے خود ہو بے ہوش ہویا
اہ کیوں کر رہے خاموش ہویا جس پیالہ پیتا ساقی دا
کیوں اوہلے بہہ بہہ جھاکی دا
تسیں آپ اساں نوں دھائے جی کد رہندے چھپے چھپائے جی
تسیں شاہ عنایت بن آئے جی ہن لا لا نین جھماکی دا
کیوں اوہلے بہہ بہہ جھاکی دا
بلہاؔ شاہ تن بہا دی بھٹھی کر اگ بال ہڈاں تن ماٹی کر
اہ شوق محبت باٹی کر اہ مدھوا اس بدھ چاکھی دا
کیوں اوہلے بہہ بہہ جھاکی دا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
