درس ونجارے آئے نی مائے درس ونجارے آئے
درس ونجارے آئے نی مائے درس ونجارے آئے
لالاں دا اہ ونج کریندے ہوکا آکھ سنائے
لال ستم گہنے سونے ساتھی مائے نال لیے جاواں
سنیا ہوکا میں دل گزری میں بھی لال لیاواں
اک نا اک کناں وچ پا کے لوکاں نوں دکھلاواں
لوک جانن اہ لالاں والے لئی آں میں بھرمائے
درس ونجارے آئے نی مائے درس ونجارے آئے
اوڑک جا کھلوتی اہناں تے میں منوں سدھرائی آں
بھائی وے لالاں والیؤ میں وی لال لیون نوں آئیآں
اہناں بھرے صندوق وکھالے مینوں ریجھاں آئیآں
ویکھے لال سہانے سارے اک توں اک سوائے
درس ونجارے آئے نی مائے درس ونجارے آئے
بھائی وے لالاں ولیا ویرا انہاں دا مل دسائیں
جے توں آئی ہیں لال خریدن دھڑ توں سیس لہائیں
ڈمہ کدی سوئی دا نا سہآ سر کتھوں دتا جائی
لازم ہو کے مڑ گھر آئی پوچھن گوانڈھی آئے
درس ونجارے آئے نی مائے درس ونجارے آئے
توں محاسبہ گئی سیں لال خریدن اچی اڈی چائی نی
کیہڑا مہرا اوتھوں رننے توں لے کے گھر آئی نی
لال سی بھارے میں ساں ہلکی کھالی کنی سائی نی
بھارا لال انملا اوتھوں میتھوں چکیا نا جائے
درس ونجارے آئے نی مائے درس ونجارے آئے
کچی کچ وہاجن جاناں لال وہاجن چلی
پلے کھرچ نا ساکھ نا کائی ہاتھوں ہارن چلی
میں موٹی مسٹنڈی دساں لال نوں چارن چلی
جس شاہ ستم مل لے کے دینا سو شاہ مونہہ نا لائے
درس ونجارے آئے نی مائے درس ونجارے آئے
گلیاں دے وچ پھریں دیوانی نی کڑیئے مٹھیارے
لال چگیندی نازک ہوئی اہ گل کون نتارے
جا میں مل اونہاں نوں پچھیا مل کرن اہ بھارے
ڈمہ سوئی دا کدے نا کھادا اہ آکھن سر وارے
جیہڑیاں گئآں لال ویہاجن اہناں سیس لہائے
درس ونجارے آئے نی مائے درس ونجارے آئے
لالاں دا اہ ونج کریندے ہوکا آکھ سنائے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.