تانکھ ماہی دی جلیاں
نت کاگ اڈاواں کھلیاں
کیؤڈی دمڑے پلے نا کائی پار وننن نوں میں سدھرائی
نال ولاہاں دے نہیں آشنائی جھیڑا کراں والیاں
تانکھ ماہی دی جلیاں
نے چندل دے شور کنارے کھونمن گھیر وچ ٹھاٹھاں مارے
ڈب ڈب موئے بھارے جے شور کراں تاں جھلیاں
تانکھ ماہی دی جلیاں
نے چندل دے ڈونکھے پاہے تارو گوتے کھاندے آہے
ماہی منڈے پار سدھائے میں کیول رہیاں کلیاں
تانکھ ماہی دی جلیاں
نے چندل دیاں تارو پھٹاں کھلی اڈیکاں ماہی دیاں واٹاں
عشق ماہی دے لائی آں چاٹاں جے کوکاں تاں میں گلیاں
تانکھ ماہی دی جلیاں
پار جھنایوں جنگل بیلے اودھے کھونی شیر بکھیلے
جھب رب مینوں ماہی میلے میں ایس پھکر وچ گلیاں
تانکھ ماہی دی جلیاں
ادھی رات لٹکدے تارے اک لٹکے اک لٹکنہارے
میں اٹھ آئی ندی کنارے ہن پار لنگھن نوں کھلیاں
تانکھ ماہی دی جلیاں
میں منتارو سار کی جاناں ونجھ چھپا نا تلہا پرانا
گھمن گھیر نا ٹانگ ٹکانا رو رو پھاٹاں تلیاں
تانکھ ماہی دی جلیاں
بلہاؔ شہو گھر میرے آوے ہار شنگار میرے تن بھاوے
مونہہ مکٹ متھے تلک لگاوے جے ویکھے تاں میں بھلیاں
تانکھ ماہی دی جلیاں
نت کاگ اڈاواں کھلیاں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.