تسیں کرو اساڈی کاری
کیہی ہو گئی ویدن بھاری
اہ گھر میرے وچ آیا اوس آ مینوں بھرمائی آ
پچھو جادو ہے کہ پچھوا اوس توں لو حکیکت ساری
تسیں کرو اساڈی کاری
اوہو دل میرے وچ وسدا بیٹھا نال اساڈے ہسدا
پچھاں باتاں تے اٹھ نسدا لیے بازاں وانن اڈاری
تسیں کرو اساڈی کاری
میں شہو دری آواں پائی آں ٹھاٹھاں لہراں دے مونہہ گئآں
پھڑ کے گھمن گھیر بھوئی آں اوپر برکھا رین اندھیاری
تسیں کرو اساڈی کاری
سئی آں ایڈ چھنچھر چاے تارے کھاری آں ہیٹھ چھپائے
منج دیاں رسیاں ناگ بنائے اہناں سہراں توں بلہاری
تسیں کرو اساڈی کاری
اہ جو مرلی کانہ وجائی دل میرے نوں چوٹ لگائی
آہ دے نعرے کر دی آہی میں روواں زارو زاری
تسیں کرو اساڈی کاری
عشق دیوانہ لیکاں لائی آں ڈاڈھیاں کھنیاں ستھیاں پائی آں
ہاں میں بکری کول کسائی آں رہندا سہم ہمیشہ بھاری
تسیں کرو اساڈی کاری
عشق روہیلا ناہیں چھپدا اندر دھری آ بننہیں نچدا
مینوں دیو سنیہڑا سچ دا میری کرو کوئی غم خواری
تسیں کرو اساڈی کاری
میں کی مہر محبت جاناں سئی آں کردیاں زور دھنانا
گلگل میوہ کی ہدوانا کی کوئی وید پساری
تسیں کرو اساڈی کاری
نو شوہ جس دا بانس بریلی ٹٹی ڈالوں رہی اکیلی
کوکے بیلی بیلی بیلی اہدی کرے کوئی دل داری
تسیں کرو اساڈی کاری
بلہاؔ شوہ دے جے میں جاواں آپنا سر دھڑ پھیر نا پاواں
اودھے جاواں پھیر نا آواں ایتھے ایویں عمر گزاری
تسیں کرو اساڈی کاری
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
