واہ واہ رمز سجن دی ہور
آشک بناں نا سمجھے کور
کوٹھے اجلا چڑھ دیواں ہوکا عشق ویہاجیو کوئی نا لوکا
اس دا مول نا کھانا دھوکا جنگل بستی ملے نا ٹھور
واہ واہ رمز سجن دی ہور
آشک دوہیں جہانیں مٹٹھے ناز معشوقاں دے اہ کٹٹھے
عشق دا پھٹیا کوئی نا چھٹے کیتو سو باندا پھٹ پھلور
واہ واہ رمز سجن دی ہور
دے دیدار ہویا جد راہی اچنچت پئی گل پھاہی
ڈاڑھی کیتی لا پرواہی مینوں مل گیا ٹگھ لاہور
واہ واہ رمز سجن دی ہور
شیریں بڑھ برہوں دا کھانا کوہ چوٹی فرہاد نمانا
یوسف مصر بزار وکانا اس نوں ناہیں ویکھن کور
واہ واہ رمز سجن دی ہور
لیلہ مجنوں دوویں بردے سوہنی ڈبی وچ بہر دے
ہیر ونجھائے سبھے گھر دے اس دی کھچی ماہی ڈور
واہ واہ رمز سجن دی ہور
آشک پھردے چپی چپاتے جیسے مست صدا مدھ ماتے
دام زلف دے اندر پھاتھے اودھے چلے وس نا زور
واہ واہ رمز سجن دی ہور
جے اہ آن ملے دل جانی اس توں جان کراں قربانی
صورت دے وچ یوسف ثانی آلم دے وچ جس دا شور
واہ واہ رمز سجن دی ہور
بلہاؔ شہو کوئی نا ویکھے محاسبہ ویکھے سو کسے نا لیکھے
اس دا رنگ روپ نا ریکھے اہ ای ہووے ہو کے چور
واہ واہ رمز سجن دی ہور
آشک بناں نا سمجھے کور واہ واہ رمز سجن دی ہور
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
