ہر صورت وچ آوے یار
ہر صورت وچ آوے یار
کر کے ناز ادا لکھ وار
حسن ملاحت برہو بچھائے
رمز نزاکت بھا بھڑکائے
عشوہ غمزہ تیر چلائے
بیبل پھردے زار نزار
سوہنیاں طرزاں موہنیاں گالہی
دلڑی خوب اجاڑن چالیں
ہوش کرار بھلاون بھالیں
پلکاں کر دیاں خون ہزار
ہک جا روپ سنگار ڈیکھاوے
ہک جا عاشق بن بن آوے
ہر مظہر وچ آپ سماوے
آپنا آپ کرے دیدار
کڈیں شہانہ حکم چلاوے
کڈیں گدا مسکین سڈاوے
اس دا بھیت کوئی نہ پاوے
سب بد مست پھرن سرشار
فخر جہان قبول کتوسے
واقف کل اصرار تھیؤسے
ہر جا نور جمال ٹھیوسے
مخفی راز تھیئے اظہار
یار فریدؔ عیاں بیانے
نحن اقرب وچ فرقانے
ایہو عقیدہ دین ایمانے
توڑے پکڑ چڑھاون دار
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
