اساں کنوں دل چایو وے یار
اساں کنوں دل چایو وے یار
جاپے کیتھاں ونج لایو وے یار
یار بروجل کیچ دا والی
کیتو حال کنوں بے حالی
پربت روہ رولاوے وے یار
ملک ملیہر لیتو نی جھوکا
میں کلہڑی وچ اوپیاں لوکاں
حک تل ترس نہ آئیو وے یار
میں کملی کیا جانا نینہ کوں
ظلمی نہر تے قہر شینہ کوں
آپے دید اڑایو وے یار
آپے آپنا سوہاں کیتو
کرہو کتاریو نال نہ نیتو
کیں دھوتی برمایو وے یار
یار مٹھی کوں ڈیتوڑ رولا
ساڈیو کیتو کیری کولا
تتڑی کوں کیوں تایو وے یار
آپے شہر بھنبھور ڈو آیوں
یاری لا کر چھوڑ سیدھایوں
مفتا کوڑ کمایو وے یار
یار فریدؔ کڈاں سنبھلے سی
سہجو سڈ کر کول پلہیسی
جے وت بکھت بھڑایو وے یار
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
