کیوں لوڑ کلہڑی وچ کن کپر دے
کیوں لوڑ کلہڑی وچ کن کپر دے
رودھے ڈتو نی پچھلی عمر دے
تیں باجھ جیویں اصلوں نہ جیواں
تیڈے اخّیں دے ساہمے پوریواں
ماروں مریلا بھوں بن نا تھیواں
بٹھ ڈینہ ہجر دے اوکھے گزر دے
ماراں مروڑا دھکڑے تے دھوڑے
بھیجیاں سوغاتاں تیڈے ویچھوڑے
ڈکھڑے دیہوں ڈینہ دیڈھے تے ڈوڑے
ہے ہے نہ جندے جیڑا نہ مردے
گئے وقت وہلہے یارو بھلیڑے
ڈکھڑے ڈکھی تے کیتے وہیرے
شالا ڈیہاڑے تھیوم تھولیرے
پاڑے گزاروں سجنیں دے گھر دے
گھولی توسیڈی گولی توسیڈی
ڈے کن تے سنیں پیڑ میڈی
پانی اساڈا تھئی رت اسیڈی
روٹی ہے ٹکڑے ہاں دے جگر دے
منڈھ لادی جندڑی ڈکھڑیں دی ڈوہڑی
دردیں دیں بدھڑی سوزیں دی روہڑی
ہک توں تتی دی ول کل نہ لدھڑی
پئے سول صدمے چوتھے پہر دے
رہ میوم خوشیاں وسرے نہ نڈھیپے
دھیں دھیں کردے آئے بڈھیپے
تھئے بے نوائی ڈتڑے رنڈیپے
آئے بار سر تے باری قہر دے
جوگی براگی تھیکر ڈھونڈیساں
کفنی ڈکھاں دی پاگل سوہیساں
اویں فریداںؔ عمراں نہ بھیساں
جے تئیں نا تھیساں داخل قبر دے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
