آیا جوگی پاک جمال، جیہدا حسن نرانی

آیا جوگی پاک جمال، جیہدا حسن نرانی ۔

،سر صدقے جند اس توں گھولی، عرشوں چند پیا میری جھولی

میں ڈٹھڑا دو جگ بھال، نیں اسدا ہور نہ ثانی ۔

،دیکھو نیں کوئی جیون جوگی، اوہو میرا رانجھا جوگی

چل آپ تساڈے نال، نیں دیکھو دلبر جانی ۔

،صاحب تخت ہزارے والا، کنی مندراں گل وّچ مالا

مالک ہیر سیال، نیں جاں کوئی ہور نشانی ۔

،اوه جٹی دے بھاگ چنگیرے، جوگی قدم پایا وّچ ویہڑے

ایہہ گونس قطب ابدال، نیں ہوئیاں دیکھ دیوانی ۔

،عہد تے جد احمد ہویا، دے دیدار جگت اس موہیا

نہیں اسدی ہور مثال، نیں وّچ دوہیں جہانی ۔

،سسّ نناناں مارن بولی، روز اضل دے میں اوہدی گولی

آیا کرن وسال، نیں دیکھو پریت پرانی ۔

،میرا اس دا دکھ سکھ سانجھا جے ہووے میرا اوہو رانجھا

میں سر چشمہ دے نال، نیں سیواں پیر جیلانی ۔

،میراں شاه چل حاصل پہری، تن من لے سر حاضر کرہی

دیکھ نین نیناں دے نال، نیں ہویا فضل رہمانی ۔