مینوں ہردم رہندا چاء

،مینوں ہردم رہندا چاء

سجن دے شوخ نظارے دا ۔

،برہوں کیتا میں وّل پھیرا

،ہار شنگار پیا بھٹھ میرا

،میرے سینے رڑکے سانگ

گجھڑا عشقَ پیارے دا ۔

،سسّ ننانا مارن بولی

،اول آخر اسدی گولی

،میں دو جگ رکھدی مان

ماہی سوہنے سارے دا ۔

،اس نوں نیناں دی سرداری

،پل پل سنیوے خلقت ساری

،میں رکھی آ جان پچھان

ضامن حشر دہاڑے دا ۔

،نہ آدم نہ ہوا آہی

،اس دن دا میں جاتا ماہی

،جد آیا واحد آپ

بنکے روپ ستارے دا ۔

،تخت ہزاریوں ماہی آیا

،انس ملائک سیس نوایا

،اس رکھیا احمد نام

حامی عالم سارے دا ۔

،میراں شاه تن ببھوت رماواں

،صابر دے در الکھ جگاواں

،میرا اوہو ہے غمخار

آجز نیچ نکارے دا ۔