تخت ہزارے دیا، سگھڑ چتر سردارا
تخت ہزارے دیا، سگھڑ چتر سردارا ۔
،پہلاں سیں توں لک چھپ رہندا، وچ سیالیں اٹھدا بہندا
آیا لین نظاره، تخت ہزارے دیا، سگھڑ چتر سردارا ۔
،لگڑا عشقَ ہویا متوالہ، ہر صورتَ وّچ نور اجالا
کیتا ایڈ پسارا، تخت ہزارے دیا، سگھڑ چتر سردارا ۔
،دل ساڈے نوں کنڈیاں پائیاں، چوچک دے گھر ملن ودھائیاں
ملیا چاک پیارا، تخت ہزارے دیا، چتر سگھڑ سردارا ۔
،شور پیا وّچ عالم سارے، ہیر دے لگڑے لین نظارے
کہڑا کون نقاره، تخت ہزارے دیا، سگھڑ چتر سردارا ۔
،ماہی ماہی سبھ کوئی کردا، عشقَ انوکھا اس دلبر دا
چڑھیا مار نقاره، تخت ہزارے دیا، سگھڑ چتر سردارا ۔
،سسّ نند نت مہنا لاوے، عشقَ رنجھیٹے دا نِہ جاوے
کرساں شکر خدا دا، تخت ہزارے دیا، سگھڑ چتر سردارا ۔
،میراں شاه کیوں چاک بھلایا، دنیاں نال کیہا نہں لایا
چھڈدے پکڑ کناره، تخت ہزارے دیا، سگھڑ چتر سردارا ۔
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
