میریاں ہون عشقَ دیاں گلاں، نیں بدلے رانجھن دے
میریاں ہون عشقَ دیاں گلاں، نیں بدلے رانجھن دے ۔
،ایس عشقَ دے کٹھن پواڑے، بّڈ بڈیرے سولی چاڑھے
ہور لہائیاں کھلاں، نیں بدلے رانجھن دے ۔
،مورکھ رل مل کرن وچاراں، میریاں ماہی نال بہاراں
میں لکھ طعنے سر جھلاں، نیں بدلے رانجھن دے ۔
،عشقَ ماہی دے دھماں پائیاں، نت پھردی ساں وانگ شدائیاں
ہیر ڈھونڈیدی جھلاں، نیں بدلے رانجھن دے ۔
،عشقَ سکھالا لوکاں بھانے، جس تن ورتے سوئیؤ جانے
میں گھائل کیتی سلاں، نیں بدلے رانجھن دے ۔
،مدتاں ہوئیاں چاک نہ آیا، بابل میرے کاج رچایا
میں آپ ہزارے چلاں، نیں بدلے رانجھن دے ۔
،اج کوئی دردی پیا وّل جاوے، حاَل اساڈا جا سناوے
میں کہڑا قاصد گھلاں، نیں بدلے رانجھن دے ۔
،میراں شاه دھن ایہہ دل بھاوے، جے صابر میری آس پچاوے
میں در اسدا جا ملاں، نیں بدلے رانجھن دے ۔
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
