نال پیا دے اکھیاں، نیں میریاں لگّ رہیاں

نال پیا دے اکھیاں، نیں میریاں لگّ رہیاں ۔

،ایس شک دے عجب ہلارے، چاک ماہی دے طعنے سارے

میں سر چشماں تے رکھاں، نیں میریاں لگّ رہیاں ۔

،ایس عشقَ دی صفت نہ کوئی جو کچھ نال اساڈے ہوئی

میں مول کسے نہ دساں، نیں میریاں لگّ رہیاں ۔

،رانجھے نال اضل دا ناطہ، ربّ رسول اساں کر جاتا

سو حیلے سو وکھاں، نیں میریاں لگّ رہیاں ۔

،نال ماہی دے عجب بہاراں، ست بہشت میں اس توں واراں

کہڑا دوزخ گھتاں، نیں میریاں لگّ رہیاں ۔

،چاک ماہی دے پاک دلاسے، کفر اسلامو پرلے پاسے

میں کیتے نال بلکاں، نیں میریاں لگّ رہیاں ۔

،جاں رانجھے توں محرم ہوئی، ہر صورتَ وّچ ہور نہ کوئی

میں ہن کی ہور پرکھاں، نیں میریاں لگّ رہیاں ۔

،جاں ستگور دی پوجا کیتی، میراں شاه مّد بے شکّ پیتی

میں نال ساقی دیاں ہتھاں، نیں میریاں لگّ رہیاں ۔