سئیؤ چاک میرے گھر آیا

سئیؤ چاک میرے گھر آیا ۔

مینوں اجڑی آن وسایا ۔

،ماہی تخت ہزارے والا کارن ہیر سیالے

کرکے ناز نیاز ہزاراں، لے مکھ ناد وجایا ۔

،رانجھا میرا میں رانجھے دی فرق نہیں وچ رائی

اول آخر ظاہر باطن، لوں لوں آن سمایا ۔

،کھیڑے دوتی کرن بکھیڑے، پاون وچ جدائیاں

کیہنوں اگلی پیڑ اساڈی، میں آپی ور پایا ۔

،ہیرے کارن جوگی ہو کے کھیڑیاں نوں اٹھ دھایا

ہر گھر دے وچ رمزاں مارے، صورتَ دا بھرمایا ۔

،میراں شاه کر لکھ شکرانہ، واه واه بھاگ چنگیرے

ولی محمد رحمت کیتی، رانجھن یار ملایا ۔