سئیؤ آیا میرا چاک نیں

،سئیؤ آیا میرا چاک نیں

میں گھولی جند جان ۔

،اوہدے دیکھن نوں نت مردے ساں

اج کیتا کرم رحٰمن ۔

،جد تخت ہزارے وسدا سی

،کوئی مول پتہ نہ لگدا سی

ہن دسدا نام نشان ۔

،تسیں دیکھو ناز ادائیں

،میں موہی رمزاں نال

ہن بیٹھا لا مکان ۔

،سر دھریا تاج لولاکے دا

،بن آدم والی جات

میں جاتا دین امان ۔

،میں وّچ بیلے نت ٹولاں

،آ ماہی ماہی بولاں

جد سی مورکھ نادان ۔

،ایہہ چلساں نال چلیندا ہے

،جاں بولاں نال بولیندا ہے

تسیں سمجھو نہ عرفان ۔

،سیوا ستون اسیں نیارے

،اوه آپے آپ ہے سارے

ہر رنگ ہردم ہر شان ۔

،ہن میراں شاه بلہاری

،گر چشتی نے میں تاری

اج ہویا وصل دا دان ۔