aaj ek ajnabi se nigahen milin sirf ek lamha-e-muKHtasar ke liye

aaj ik ajnabī se nigāheñ milīñ sirf ik lamha-e-muḳhtasar ke liye

dil kuchh is tarah se mutma.in ho gayā jaise kuchh pā liyā 'umr-bhar ke liye

har-qadam kashmakash har-nafas uljhaneñ zindagī vaqf hai dard-e-sar ke liye

pahle apne hī darmāñ kā ġham thā hameñ ab davā chāhiye chāra-gar ke liye

maiñ ne baḳhshī hai tārīkiyoñ ko ziyā aur ḳhud ik tajallī kā muhtāj huuñ

raushnī dene vaale ko bhī kam se kam ik diyā chāhiye apne ghar ke liye

ai 'shakīl' un kī mahfil meñ bhī kyā milā aur kuchh baḌh ga.iiñ dil kī be-tābiyāñ

sab kī jānib rahī vo nigāh-e-karam ham taraste rahe ik nazar ke liye

aaj ek ajnabi se nigahen milin sirf ek lamha-e-muKHtasar ke liye

dil kuchh is tarah se mutmain ho gaya jaise kuchh pa liya 'umr-bhar ke liye

har-qadam kashmakash har-nafas uljhanen zindagi waqf hai dard-e-sar ke liye

pahle apne hi darman ka gham tha hamein ab dawa chahiye chaara-gar ke liye

main ne baKHshi hai tarikiyon ko ziya aur KHud ek tajalli ka muhtaj hun

raushni dene wale ko bhi kam se kam ek diya chahiye apne ghar ke liye

ai 'shakil' un ki mahfil mein bhi kya mila aur kuchh baDh gain dil ki be-tabiyan

sab ki jaanib rahi wo nigah-e-karam hum taraste rahe ek nazar ke liye