Font by Mehr Nastaliq Web
Sufinama

aapko pata nahin jab aapko pata hun main

Kamil Shattari

aapko pata nahin jab aapko pata hun main

Kamil Shattari

MORE BYKamil Shattari

    aap ko paatā nahīñ jab aap ko paatā huuñ maiñ

    to kho jaatā huuñ phir kho diyā jaatā huuñ maiñ

    ā.īna ban kar muqābil us ke jab aatā huuñ maiñ

    bandagī meñ bhī ḳhudā.ī jhalak paatā huuñ maiñ

    kuchh taḌap jaatā huuñ kuchh taḌpā diyā jaatā huuñ maiñ

    kyā mohabbat jurm hai jis sazā paatā huuñ maiñ

    had se baḌh jaatī hai jab kaifiyat-e-vāraftagī

    har qadam par ik fareb-e-ārzū khātā huuñ maiñ

    kaam ban jaate haiñ is dīvāngī meñ saikḌoñ

    kuchh banāyā rahā huuñ kuchh banā jaatā huuñ maiñ

    kuchh maqām aise bhī aate haiñ sulūk-e-ishq meñ

    ek gum-dar-gum haqīqat ban ke rah jaatā huuñ maiñ

    ek dhun aisī bhī hotī hai kisī yaad meñ

    jāgtā huuñ dil se aur āñkhoñ se so jaatā huuñ maiñ

    panja-e-dast-e-duā se bhī ḳhalāsī mil ga.ī

    us marzī jab se apnā mudda.ā paatā huuñ maiñ

    tohmat-e-markaz-gurezī se bachāyā ishaq ne

    us ke dar se har jagah vābastagī paatā huuñ maiñ

    fikr-e-uqbā kar ke nāhaq vaqt kyuuñ zaa.e.a karūñ

    us ko ḳhud laaj hogī jis kahlātā huuñ maiñ

    jaane kyuuñ vo aur bhī kuchh duur aate haiñ nazar

    fikr manzil meñ jitnī duur bhī jaatā huuñ maiñ

    us shān-e-dast-gīrī se kuchh aisā ishaq hai

    ehtirāman bil-amad bhī Thokareñ khātā huuñ maiñ

    luT ga.ī 'kāmil' jahāñ saarī matā-e-zindagī

    kyā tamāshā hai vahīñ se zindagī paatā huuñ maiñ

    aap ko pata nahin jab aap ko pata hun main

    ya to kho jata hun ya phir kho diya jata hun main

    aaina ban kar muqabil us ke jab aata hun main

    bandagi mein bhi KHudai ki jhalak pata hun main

    kuchh taDap jata hun kuchh taDpa diya jata hun main

    kya mohabbat jurm hai jis ki saza pata hun main

    had se baDh jati hai jab kaifiyat-e-waraftagi

    har qadam par ek fareb-e-arzu khata hun main

    kaam ban jate hain is diwangi mein saikDon

    kuchh banaya ja raha hun kuchh bana jata hun main

    kuchh maqam aise bhi aate hain suluk-e-ishq mein

    ek gum-dar-gum haqiqat ban ke rah jata hun main

    ek dhun aisi bhi hoti hai kisi ki yaad mein

    jagta hun dil se aur aankhon se so jata hun main

    panja-e-dast-e-dua se bhi KHalasi mil gai

    us ki marzi jab se apna muddaa pata hun main

    tohmat-e-markaz-gurezi se bachaya ishaq ne

    us ke dar se har jagah wabastagi pata hun main

    fikr-e-uqba kar ke nahaq waqt kyun zaea karun

    us ko KHud hi laj hogi jis ka kahlata hun main

    jaane kyun wo aur bhi kuchh dur aate hain nazar

    fikr ki manzil mein jitni dur bhi jata hun main

    us ki shan-e-dast-giri se kuchh aisa ishaq hai

    ehtiraman bil-amad bhi Thokaren khata hun main

    luT gai 'kaamil' jahan sari mata-e-zindagi

    kya tamasha hai wahin se zindagi pata hun main

    Source :
    • Book : Wardat-e-Kamil Diwan-e-Kamil (Pg. 121)
    • Author : Kamil Shattari
    • Publication : Kamil Academy (1962)
    • Edition : 4th
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now