kabe mein bas gaya hai sanam kis ke waste

kā'be meñ bas gayā hai sanam kis ke vāste

ḳhud but-kada banā hai haram kis ke vāste

hai dil-dahī meñ kis kī mirā qalb muztarib

sur'at meñ har nafas hai ye dam kis ke vāste

nushū-o-numā hamārā agar hai fanā ke baa'd

paidā huā hai mulk-e-’adam kis ke vāste

tuḳhm-e-zamīñ hai apnā tan-e-zār ek roz

kahiye ki haiñ ye nāz-o-ni.am kis ke vāste

sar-o-āh kar ke rote haiñ ho ho ke zard-rū

hai 'āshiqoñ ko dard-o-alam kis ke vāste

jo kuchh thī sar-navisht vo sab ḳhatm ho chukī

baaqī rahe haiñ lauh-o-qalam kis ke vāste

tahqīq kar lo aap hī apne se pūchh kar

is jā 'adam se aa.e haiñ ham kis ke vāste

gar bāġhbān-e-lam-yazalī ko nahīñ hai hirs

sarsabz hai ye bāġh-e-iram kis ke vāste

'ushshāq chal rahe haiñ jo har dam qadam kī raah

ḳhud uTh rahe haiñ un ke qadam kis ke vāste

mauj-o-hubāb-o-qatra-o-girdāb ban ke ḳhud

maḳhlūq par muhīt hai ham kis ke vāste

hai 'āshiqoñ ko sūra-e-iḳhlās kā jo vird

har ik nafs hai un kā ye zam kis ke vāste

'āshiq' na hote kHvāja-e-chishtī ke ham agar

aatā jahāñ meñ fazl-o-karam kis ke vāste

ka'be mein bas gaya hai sanam kis ke waste

KHud but-kada bana hai haram kis ke waste

hai dil-dahi mein kis ki mera qalb muztarib

sur'at mein har nafas hai ye dam kis ke waste

nushu-o-numa hamara agar hai fana ke ba'd

paida hua hai mulk-e-’adam kis ke waste

tuKHm-e-zamin hai apna tan-e-zar ek roz

kahiye ki hain ye naz-o-niam kis ke waste

sar-o-ah kar ke rote hain ho ho ke zard-ru

hai 'ashiqon ko dard-o-alam kis ke waste

jo kuchh thi sar-nawisht wo sab KHatm ho chuki

baqi rahe hain lauh-o-qalam kis ke waste

tahqiq kar lo aap hi apne se puchh kar

is ja 'adam se aae hain hum kis ke waste

gar baghban-e-lam-yazali ko nahin hai hirs

sarsabz hai ye bagh-e-iram kis ke waste

'ushshaq chal rahe hain jo har dam qadam ki rah

KHud uTh rahe hain un ke qadam kis ke waste

mauj-o-hubab-o-qatra-o-girdab ban ke KHud

maKHluq par muhit hai hum kis ke waste

hai 'ashiqon ko sura-e-iKHlas ka jo wird

har ek nafs hai un ka ye zam kis ke waste

'ashiq' na hote kHwaja-e-chishti ke hum agar

aata jahan mein fazl-o-karam kis ke waste