ek aalam hai ki maqtal mein hai qatil ki taraf

ek 'ālam hai ki maqtal meñ hai qātil kī taraf

dhaar ḳhanjar kī faqat 'āshiq-e-be-dil kī taraf

us se māñgā bhī agar kuchh to usī ko māñgā

dekhnā hausla-o-himmat saa.el kī taraf

nisbat-e-shirk ba-juz tohmat-e-bejā kyā hai

dil hai jab us kī taraf ruḳh hai vasā.el kī taraf

tark-e-duniyā to hai duniyā-talabī se āsāñ

chhoḌ kar sahl 'abas jaate haiñ mushkil kī taraf

kaun is ghaaT se utrā ki janāb-e-'āsī'

bosa lene ko jhuke haiñ lab-e-sāhil kī taraf

ek 'alam hai ki maqtal mein hai qatil ki taraf

dhaar KHanjar ki faqat 'ashiq-e-be-dil ki taraf

us se manga bhi agar kuchh to usi ko manga

dekhna hausla-o-himmat sael ki taraf

nisbat-e-shirk ba-juz tohmat-e-beja kya hai

dil hai jab us ki taraf ruKH hai wasael ki taraf

tark-e-duniya to hai duniya-talabi se aasan

chhoD kar sahl 'abas jate hain mushkil ki taraf

kaun is ghaT se utra ki janab-e-'asi'

bosa lene ko jhuke hain lab-e-sahil ki taraf