malum nahin ye baat hai kya sarkar tumhaari mahfil mein
malum nahin ye baat hai kya sarkar tumhaari mahfil mein
Abdul Hadi Kavish
MORE BYAbdul Hadi Kavish
ma.alūm nahīñ ye baat hai kyā sarkār tumhārī mahfil meñ
dil aur dhaḌaktā hai ziyāda sarkār tumhārī mahfil meñ
ye qaal nahīñ hai haal hai ye qadmoñ meñ taḌaptā hai bismil
marne meñ bhī hai jiine kā maza sarkār tumhārī mahfil meñ
karte ho diloñ kā saudā tum īmān ke tum rahzan Thahre
ham ne bhī har ik shai dī hai luTā sarkār tumhārī mahfil meñ
kyā dil meñ tamannā ho us ke kis chiiz kī chāhat ho us ko
sar apnā diyā ho jis ne kaTā sarkār tumhārī mahfil meñ
ye baat nahīñ hai kahne kī 'kāvish' ne magar ḳhud dekhā hai
āshiq bhī to ho jaatā hai fanā sarkār tumhārī mahfil meñ
malum nahin ye baat hai kya sarkar tumhaari mahfil mein
dil aur dhaDakta hai ziyaada sarkar tumhaari mahfil mein
ye qal nahin hai haal hai ye qadmon mein taDapta hai bismil
marne mein bhi hai jine ka maza sarkar tumhaari mahfil mein
karte ho dilon ka sauda tum iman ke tum rahzan Thahre
hum ne bhi har ek shai di hai luTa sarkar tumhaari mahfil mein
kya dil mein tamanna ho us ke kis chiz ki chahat ho us ko
sar apna diya ho jis ne kaTa sarkar tumhaari mahfil mein
ye baat nahin hai kahne ki 'kawish' ne magar KHud dekha hai
aashiq bhi to ho jata hai fana sarkar tumhaari mahfil mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
