dil mein KHayal tere siwa do-jahan na ho

dil meñ ḳhayāl tere sivā do-jahāñ na ho

tū ho jahāñ meñ baaqī ye kaun-o-makāñ na ho

ghar meñ savā.e tere koī dil-sitāñ na ho

hañgām-e-vasl-e-gird mire pāsbāñ na ho

haiñ zaat se ye tere sab ābād do-jahāñ

kyā vasf terā koī kare gar zabāñ na ho

naqsh-e-qadam kī tarh se ḳhāna ḳharāb huuñ

mujh-sā kahīñ jahāñ meñ koī be-nishāñ na ho

sūrat-parast bulbul-e-vahshī-sā kū-ba-kū

lāzim hai 'āshiqoñ kā koī āshiyāñ na ho

aġhyār haiñ bahut se magar yaar ek hai

dil ke sivā to apnā koī mehrbāñ na ho

ahl-e-ḳhāna kis liye anjān ho ga.e

be-qadar kar diye haiñ mire qadar-dāñ na ho

lailā kī yaad meñ dil-e-majnūñ machal gayā

naaqa ke pīchhe 'sahv' kahīñ sārbāñ na ho

dil mein KHayal tere siwa do-jahan na ho

tu ho jahan mein baqi ye kaun-o-makan na ho

ghar mein sawae tere koi dil-sitan na ho

hangam-e-wasl-e-gird mere pasban na ho

hain zat se ye tere sab aabaad do-jahan

kya wasf tera koi kare gar zaban na ho

naqsh-e-qadam ki tarh se KHana KHarab hun

mujh-sa kahin jahan mein koi be-nishan na ho

surat-parast bulbul-e-wahshi-sa ku-ba-ku

lazim hai 'ashiqon ka koi aashiyan na ho

aghyar hain bahut se magar yar ek hai

dil ke siwa to apna koi mehrban na ho

ahl-e-KHana kis liye anjaan ho gae

be-qadar kar diye hain mere qadar-dan na ho

laila ki yaad mein dil-e-majnun machal gaya

naqa ke pichhe 'sahw' kahin sarban na ho