دل میں خیال تیرے سوا دو جہاں نہ ہو

دل میں خیال تیرے سوا دو جہاں نہ ہو

تو ہو جہاں میں باقی یہ کون و مکاں نہ ہو

گھر میں سوائے تیرے کوئی دل ستاں نہ ہو

ہنگام وصل گرد مرے پاسباں نہ ہو

ہیں ذات سے یہ تیرے سب آباد دو جہاں

کیا وصف تیرا کوئی کرے گر زباں نہ ہو

نقش قدم کی طرح سے خانہ خراب ہوں

مجھ سا کہیں جہاں میں کوئی بے نشاں نہ ہو

صورت پرست بلبل وحشی سا کو بکو

لازم ہے عاشقوں کا کوئی آشیاں نہ ہو

اغیار ہیں بہت سے مگر یار ایک ہے

دل کے سوا تو اپنا کوئی مہرباں نہ ہو

اہل خانہ کس لیے انجان ہو گئے

بے قدر کر دیے ہیں مرے قدر داں نہ ہو

لیلیٰ کی یاد میں دل مجنوں مچل گیا

ناقہ کے پیچھے صحوؔ کہیں سارباں نہ ہو