کدھر جاتے ہو ہم سے مل کے تم اے جاں ادھر آؤ

کدھر جاتے ہو ہم سے مل کے تم اے جاں ادھر آؤ

نہ چھوڑو ساتھ میرا تم خوشی سے میرے گھر آؤ

تمہارے دیکھنے کو ہم پڑے پھرتے ہیں ہر ہر جا

نہیں قابو میں دل اپنا کہیں تو تم نظر آؤ

تمہیں میں جانتا ہوں تم بدلتے ہو ہزاروں رنگ

نہیں میں غیر اٹھا کر پردہ روئے بشر آؤ

دل مضطر تڑپتا ہے لبوں پر جان آئی ہے

ہوئے بیزار کیوں ہم سے کبھی بھولے ادھر آؤ

یہ دو ہی وقت ہیں موقوف جن پر ہم سے ملنا ہے

سر شام آؤ تم اے سہو با وقت سحر آؤ