ajab karam shah-e-wala tabar karte hain

'ajab karam shah-e-vālā tabār karte haiñ

ke nā-ummīdoñ ko ummīd-vār karte haiñ

jo ḳhush-nasīb yahāñ ḳhāk-e-dar pe baiThe haiñ

julūs-e-masnad-e-shāhī se 'aar karte haiñ

sunā ke vasf ruḳh-e-pāk-e-'andalīb ko ham

rahīn-e-āmad-e-fasl-e-bahār karte haiñ

banā.ī pusht na kā'ba kī un ke ghar kī taraf

jinheñ ḳhabar hai vo aisā vaqār karte haiñ

sagān-e-kū-e-nabī ke nasīb par qurbāñ

paḌe hue sar-e-rah iftiḳhār karte haiñ

kushūd 'uqda-e-mushkil kī kyuuñ maiñ fikr karūñ

ye kaam to mire taiba ke ḳhaar karte haiñ

'hasan' kī jaan ho us vus'at-e-karam pe nisār

ke ik jahān ko ummīd-vār karte haiñ

'ajab karam shah-e-wala tabar karte hain

ke na-ummidon ko ummid-war karte hain

jo KHush-nasib yahan KHak-e-dar pe baiThe hain

julus-e-masnad-e-shahi se 'ar karte hain

suna ke wasf ruKH-e-pak-e-'andalib ko hum

rahin-e-amad-e-fasl-e-bahaar karte hain

banai pusht na ka'ba ki un ke ghar ki taraf

jinhen KHabar hai wo aisa waqar karte hain

sagan-e-ku-e-nabi ke nasib par qurban

paDe hue sar-e-rah iftiKHar karte hain

kushud 'uqda-e-mushkil ki kyun main fikr karun

ye kaam to mere taiba ke KHar karte hain

'hasan' ki jaan ho us wus'at-e-karam pe nisar

ke ek jahan ko ummid-war karte hain