kaamil hai jo azal se wo hai kamal tera

kāmil hai jo azal se vo hai kamāl terā

baaqī hai jo abad tak vo hai jalāl terā

hai 'ārifoñ ko hairat aur munkiroñ ko sakta

har dil pe chhā rahā hai ro.ab-e-jamāl terā

chhūTe hue haiñ go jī par dil bañdhe hue haiñ

milne se bhī sivā hai chhuTnā muhāl terā

go hukm tere lākhoñ yaañ mānte rahe haiñ

lekin milā roko hargiz dil se ḳhayāl terā

phañde se tere kyuuñ kar jaa.e nikal ke koī

phailā huā hai har sū 'ālam meñ jaal terā

un kī nazar meñ shaukat jachtī nahīñ kisī kī

āñkhoñ meñ bas rahā hai jin kī jalāl terā

dil ho ki jaan tujh se kyuuñ kar 'azīz rakkhe

dil hai so chiiz terī jaan hai so maal terā

hai pur zaal se dil us kā qavī-e-ziyāda

rakhtī hai aasrā yaañ jo pīr-e-zāl terā

hai paas dostoñ ke terī yahī nishānī

yā-rab kabhī roko paa.e zaḳhm-e-indimāl terā

begāngī meñ 'hālī' ye rañg-e-āshnā.ī

sun-sun ke sar dhuneñge qaala ahl-e-hāl terā

kaamil hai jo azal se wo hai kamal tera

baqi hai jo abad tak wo hai jalal tera

hai 'arifon ko hairat aur munkiron ko sakta

har dil pe chha raha hai roab-e-jamal tera

chhuTe hue hain go ji par dil bandhe hue hain

milne se bhi siwa hai chhuTna muhaal tera

go hukm tere lakhon yan mante rahe hain

lekin mila roko hargiz dil se KHayal tera

phande se tere kyun kar jae nikal ke koi

phaila hua hai har su 'alam mein jal tera

un ki nazar mein shaukat jachti nahin kisi ki

aankhon mein bas raha hai jin ki jalal tera

dil ho ki jaan tujh se kyun kar 'aziz rakkhe

dil hai so chiz teri jaan hai so mal tera

hai pur zal se dil us ka qawi-e-ziyaada

rakhti hai aasra yan jo pir-e-zal tera

hai pas doston ke teri yahi nishani

ya-rab kabhi roko pae zaKHm-e-indimal tera

begangi mein 'haali' ye rang-e-ashnai

sun-sun ke sar dhunenge qala ahl-e-haal tera