KHuda-ra zara ruKH se parda uTha de qayamat ke saman hue ja rahe hain

ḳhudā-rā zarā ruḳh se parda uThā de qayāmat ke samāñ hue jā rahe haiñ

ham us parda-dārī pe qurbān jaa.eñ tu parde meñ hai ham miTe jā rahe haiñ

ai dil tū maqām-e-ḳhudī se guzar jā ġhamī se guzar jā ḳhushī se guzar jā

ye manzil vo hai jis meñ har ik qadam par shab-o-roz lākhoñ luTe jā rahe haiñ

hai har zarra meñ dekhī har shaan terī huī hai mohabbat meñ pahchān terī

ye terī nigāh-e-karam kā karam hai hijāboñ ke parde uThe jā rahe haiñ

vo ḳhurshīd-e-mahshar 'ayāñ ho rahā hai mere raaz kā rāzdāñ ho rahā hai

agar mujh ko ġham hai to itnā hī ġham hai charāġh-e-judā.ī bujhe jā rahe haiñ

tere āstāne kī vo shaan dekhī chhupī jis meñ daulat-e-'irfān dekhī

hamāre haqīqat haqīqat hī kyā hai malak tere dar par jhuke jā rahe haiñ

pilā.ī hai aisī du'ā de rahā huuñ jo kahnā na thā aaj vo kah rahā huuñ

'amīr'-e-hazīñ aisī mastī ke sadqe tasavvur meñ naqshe khiñche jā rahe haiñ

KHuda-ra zara ruKH se parda uTha de qayamat ke saman hue ja rahe hain

hum us parda-dari pe qurban jaen tu parde mein hai hum miTe ja rahe hain

ai dil tu maqam-e-KHudi se guzar ja ghami se guzar ja KHushi se guzar ja

ye manzil wo hai jis mein har ek qadam par shab-o-roz lakhon luTe ja rahe hain

hai har zarra mein dekhi har shan teri hui hai mohabbat mein pahchan teri

ye teri nigah-e-karam ka karam hai hijabon ke parde uThe ja rahe hain

wo KHurshid-e-mahshar 'ayan ho raha hai mere raaz ka raazdan ho raha hai

agar mujh ko gham hai to itna hi gham hai charagh-e-judai bujhe ja rahe hain

tere aastane ki wo shan dekhi chhupi jis mein daulat-e-'irfan dekhi

hamare haqiqat haqiqat hi kya hai malak tere dar par jhuke ja rahe hain

pilai hai aisi du'a de raha hun jo kahna na tha aaj wo kah raha hun

'amir'-e-hazin aisi masti ke sadqe tasawwur mein naqshe khinche ja rahe hain