خدا را ذرا رخ سے پردہ اٹھا دے قیامت کے سماں ہوئے جا رہے ہیں

خدا را ذرا رخ سے پردہ اٹھا دے قیامت کے سماں ہوئے جا رہے ہیں

ہم اس پردہ داری پہ قربان جائیں تو پردے میں ہے ہم مٹے جا رہے ہیں

اے دل تو مقام خودی سے گزر جا غمی سے گزر جا خوشی سے گزر جا

یہ منزل وہ ہے جس میں ہر اک قدم پر شب و روز لاکھوں لٹے جا رہے ہیں

ہے ہر ذرہ میں دیکھی ہر شان تیری ہوئی ہے محبت میں پہچان تیری

یہ تیری نگاہ کرم کا کرم ہے حجابوں کے پردے اٹھے جا رہے ہیں

وہ خورشید محشر عیاں ہو رہا ہے میرے راز کا راز داں ہو رہا ہے

ہر مجھ کو غم ہے تو اتنا ہی غم ہے چراغ جدائی بجھے جا رہے ہیں

تیرے آستانہ کی وہ شان دیکھی چھپی جس میں دولت عرفان دیکھی

ہمارے حقیقت حقیقت ہی کیا ہے ملک تیرے در پر جھکے جا رہے ہیں

پلائی ہے ایسی دعا دے رہا ہوں جو کہنا نہ تھا آج وہ کہہ رہا ہوں

امیرؔ حزیں ایسی مستی کے صدقے تصور میں نقشے کھنچے جا رہے ہیں