خدا را ذرا رخ سے پردہ اٹھا دے قیامت کے سماں ہوئے جا رہے ہیں

خدا را ذرا رخ سے پردہ اٹھا دے قیامت کے سماں ہوئے جا رہے ہیں

ہم اس پردہ داری پہ قربان جائیں تو پر دے میں ہے ہم مٹے جا رہے ہیں

اے دل تو مقامِ خودی سے گذر جا غمی سے گذر جا خوشی سے گذر جا

یہ منزل وہ ہے جس میں ہر اک قدم پر شب و روز لاکھوں لٹے جا رہے ہیں

ہے ہر ذرہ میں دیکھی ہر شان تیری ہوئی ہے محبت میں پہچان تیری

یہ تیری نگاہِ کرم کا کرم ہے حجابوں کے پردے اٹھے جا رہے ہیں!

وہ خورشیدِ محشر عیاں ہو رہا ہے میرے راز کا راز داں ہو رہا ہے

اگر مجھ کو غم ہے تو اتنا ہی غم ہے چراغِ جدائی بجھے جا رہے ہیں

تیرے آستانے کی وہ شان دیکھی چھپی جس میں دولتِ عرفان دیکھی

ہمارے حقیقت حقیقت ہی کیا ہے ملک تیرے در پر جھکے جا رہے ہیں

پلائی ہے ایسی دعا دے رہا ہوں جو کہنا نہ تھا آج وہ کہہ رہا ہوں!

امیرؔ حزیں ایسی مستی کے صدقے تصور میں نقشے کھچے جا رہے ہیں