jo ahl-e-dil hain wo har dil ko apna dil samajhte hain

jo ahl-e-dil haiñ vo har dil ko apnā dil samajhte haiñ

maqām-e-'ishq meñ har gaam ko manzil samajhte haiñ

terī nazar karam ne mai-kashoñ kī aabrū rakh lī

jahāñ par jhuum kar paThThe terī mahfil samajhte haiñ

ye vo sahr-e-mohabbat hai yahāñ par Dūbne vaale

jo tūfāñ meñ uThīñ maujeñ unheñ sāhil samajhte haiñ

abhī tak ḳhāk-e-majnūñ ke jo zarre haiñ unheñ dekho

bagūle jo uThīñ sahrā se vo mahmil samajhte haiñ

jabīn-e-shauq ke sajdoñ kī mastī ye pukār uTThī

kisī ke naqsh-e-pā ko ham mah-e-kāmil samajhte haiñ

'amīr'-e-sābarī jis ne kiyā hai ḳhud se begāna

ḳhayāl-e-yār ko ham murshid-e-kāmil samajhte haiñ

jo ahl-e-dil hain wo har dil ko apna dil samajhte hain

maqam-e-'ishq mein har gam ko manzil samajhte hain

teri nazar karam ne mai-kashon ki aabru rakh li

jahan par jhum kar paThThe teri mahfil samajhte hain

ye wo sahr-e-mohabbat hai yahan par Dubne wale

jo tufan mein uThin maujen unhen sahil samajhte hain

abhi tak KHak-e-majnun ke jo zarre hain unhen dekho

bagule jo uThin sahra se wo mahmil samajhte hain

jabin-e-shauq ke sajdon ki masti ye pukar uTThi

kisi ke naqsh-e-pa ko hum mah-e-kaamil samajhte hain

'amir'-e-sabari jis ne kiya hai KHud se begana

KHayal-e-yar ko hum murshid-e-kaamil samajhte hain