جو اہل دل ہیں وہ ہر دل کو اپنا دل سمجھتے ہیں

جو اہل دل ہیں وہ ہر دل کو اپنا دل سمجھتے ہیں

مقام عشق میں ہر گام کو منزل سمجھتے ہیں

تیری نظر کرم نے میکشوں کی آبرو رکھ لی

جہاں پر جھوم کر پٹھے تیری محفل سمجھتے ہیں

یہ وہ سحرِ محبت ہے یہاں پر ڈوبنے والے

جو طوفان میں اٹھیں موجیں انہیں ساحل سمجھتے ہیں

ابھی تک خاکِ مجنوں کے جو ذرے ہیں انہیں دیکھو

بگولے جو اٹھیں صحرا سے وہ محمل سمجھتے ہیں

جبینِ شوق کے سجدوں کی مستی یہ پکار اٹھی

کسی کے نقشِ پا کو ہم مہ کامل سمجھتے ہیں

امیرؔ صابری جس نے کیا ہے خود سے بیگانہ

خیالِ یار کو ہم مرشدِ کامل سمجھتے ہیں