nigahon mein bhari wo shoKHiyan hain

nigāhoñ meñ bharī vo shoḳhiyāñ haiñ

taḌaptī har adā meñ bijliyāñ haiñ

ḳhabar aane kī un ke de rahī haiñ

naza.a meñ aa rahī jo hichkiyāñ haiñ

merā īmān luuTe jā rahī haiñ

ye kis kāfir adā kī shoḳhiyāñ haiñ

vo is andāz se parde se nikle

ki chhā.īñ har taraf ra'anā.iyāñ haiñ

ḳhudā rakhe salāmat dard-e-ulfat

baḌī rāhat-fazā tanhā.iyāñ haiñ

maiñ is andāz se mahshar meñ aayā

mire aage mirī rusvā.iyāñ haiñ

tasavvur meñ hue vo jalva-afgan

nazar meñ kauñdtī phir bijliyāñ haiñ

'amīr'-e-sābarī par pyāre aġhyār

bahut aaqā karam-farmā.iyāñ haiñ

nigahon mein bhari wo shoKHiyan hain

taDapti har ada mein bijliyan hain

KHabar aane ki un ke de rahi hain

naza mein aa rahi jo hichkiyan hain

mera iman luTe ja rahi hain

ye kis kafir ada ki shoKHiyan hain

wo is andaz se parde se nikle

ki chhain har taraf ra'anaiyan hain

KHuda rakhe salamat dard-e-ulfat

baDi rahat-faza tanhaiyan hain

main is andaz se mahshar mein aaya

mere aage meri ruswaiyan hain

tasawwur mein hue wo jalwa-afgan

nazar mein kaundti phir bijliyan hain

'amir'-e-sabari par pyare aghyar

bahut aaqa karam-farmaiyan hain