aur din se hain baaten bhi inayat ki nazar bhi

aur din se haiñ bāteñ bhī 'ināyat kī nazar bhī

par dekhiye jaate haiñ kanakhiyoñ se aur bhī

sach kah do nikal bhāge ho qaabū se ye us ke

lab ḳhushk haiñ ai jaan pasīne meñ hoñ tar bhī

jab qatl ko aayā hai mire ġhamza-e-qātil

kyā tez chhurī khīñch ke niklī hai nazar bhī

hai shauq jo bātoñ ke baḌhāne kā to ai jaan

paidā karo is bojh uThāne ko kamar bhī

pahlū meñ mire rahtī haiñ jī dete haiñ un par

dil ho ki jigar donoñ idhar bhī haiñ udhar bhī

bīmār maiñ kis kā huuñ ki aa.e jo masīhā

tā'zīm ko uTThā hai mirā dard-e-jigar bhī

furqat meñ amiir aisī paḌtī hai udāsī

rote haiñ mire haal par dar bhī ba-dar bhī

aur din se hain baaten bhi 'inayat ki nazar bhi

par dekhiye jate hain kanakhiyon se aur bhi

sach kah do nikal bhage ho qabu se ye us ke

lab KHushk hain ai jaan pasine mein hon tar bhi

jab qatl ko aaya hai mere ghamza-e-qatil

kya tez chhuri khinch ke nikli hai nazar bhi

hai shauq jo baaton ke baDhane ka to ai jaan

paida karo is bojh uThane ko kamar bhi

pahlu mein mere rahti hain ji dete hain un par

dil ho ki jigar donon idhar bhi hain udhar bhi

bimar main kis ka hun ki aae jo masiha

ta'zim ko uTTha hai mera dard-e-jigar bhi

furqat mein amir aisi paDti hai udasi

rote hain mere haal par dar bhi ba-dar bhi