us shoKH hasinon pe jo mail nahin hota
us shoḳh hasīnoñ pe jo maa.il nahīñ hotā
kuchh aur balā hotī hai vo dil nahīñ hotā
kuchh vasl ke vā'de se bhī hāsil nahīñ hotā
ḳhush ab to ḳhushī se bhī mirā dil nahīñ hotā
fariyād bhī kartā huuñ to allāh se apne
us dar ke sivā maiñ kahīñ saa.il nahīñ hotā
jis bazm meñ vo ruḳh se haTā dete haiñ parda
parvāna vahāñ shama' pe maa.il nahīñ hotā
tum aur koī kaam 'amīr' us ko sikhāo
taḌpāne taḌapne ke liye dil nahīñ hotā
us shoKH hasinon pe jo mail nahin hota
kuchh aur bala hoti hai wo dil nahin hota
kuchh wasl ke wa'de se bhi hasil nahin hota
KHush ab to KHushi se bhi mera dil nahin hota
fariyaad bhi karta hun to allah se apne
us dar ke siwa main kahin sail nahin hota
jis bazm mein wo ruKH se haTa dete hain parda
parwana wahan shama' pe mail nahin hota
tum aur koi kaam 'amir' us ko sikhao
taDpane taDapne ke liye dil nahin hota
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
