yahi mera mazhab yahi mera iman mera jism ghazi meri ruh ghazi

yahī merā maz.hab yahī merā īmāñ merā jism ġhāzī mirī ruuh ġhāzī

tumhāre tasavvur ke sadqe meñ aaqā nazar bhī namāzī hai dil bhī namāzī

ḳhudā kī qasam koī dukhiyā savālī madīna se aatā nahīñ haath ḳhālī

baḌe banda-parvar haiñ yasrib ke vaalī bahut 'aam hai un kī banda-navāzī

yahīñ se faqīroñ ko miltī hai merī yahīñ ḳhvājgī hai yahīñ dast-gīrī

dar-e-mustafā phir dar-e-mustafā hai ḳhudārā lagā de muqaddar kī baazī

kahūñ kyā maiñ apne dukhe dil kī hālat na jiine kī mohlat na marne kī fursat

yahī vaqt hai ai shafī-e’-qiyāmat dikhā dījiye shān-e-muflis-navāzī

ye sach hai ki duniyā muḳhālif hai 'anvar' magar mere haamī haiñ mahbūb-e-dāvar

mujhe kyā Darā.eñge mere muḳhālif ki marne se Dartā nahīñ koī ġhāzī

yahi mera mazhab yahi mera iman mera jism ghazi meri ruh ghazi

tumhaare tasawwur ke sadqe mein aaqa nazar bhi namazi hai dil bhi namazi

KHuda ki qasam koi dukhiya sawali madina se aata nahin hath KHali

baDe banda-parwar hain yasrib ke wali bahut 'am hai un ki banda-nawazi

yahin se faqiron ko milti hai meri yahin KHwajgi hai yahin dast-giri

dar-e-mustafa phir dar-e-mustafa hai KHudara laga de muqaddar ki bazi

kahun kya main apne dukhe dil ki haalat na jine ki mohlat na marne ki fursat

yahi waqt hai ai shafi-e’-qiyamat dikha dijiye shan-e-muflis-nawazi

ye sach hai ki duniya muKHalif hai 'anwar' magar mere hami hain mahbub-e-dawar

mujhe kya Daraenge mere muKHalif ki marne se Darta nahin koi ghazi