Sufinama

har jagah hum ko hawa-e-jalwa-e-jaanana hai

Aseer Lakhnavi

har jagah hum ko hawa-e-jalwa-e-jaanana hai

Aseer Lakhnavi

MORE BYAseer Lakhnavi

    har jagah ham ko havā-e-jalva-e-jānāna hai

    baaġh meñ bulbul dil apnā bazm meñ parvāna hai

    sair meñ hai ruuh vaqt-e-ḳhvāb dil siine meñ qaid

    sham.a uḌtī phirtī hai fānūs meñ parvāna hai

    bāda-e-'aish jahāñ ko is meñ kyuuñ kar ho qarār

    dil mire siine meñ ik TuuTā huā paimāna hai

    jo makāñ hai vo gharauñde tarah miT jā.egā

    mun’imo shauq-e-’imārat-bāzī tiflāna hai

    husn ke tālib nahīñ rakhte tamīz-e-kufr-o-dīñ

    ek parvāne ko sham.a kā'ba-o-but-ḳhāna hai

    har taraf se sū-e-ka'aba hai ruḳh qibla-numā

    āshnā-e-haq hamesha ḳhalq se begāna hai

    jis hasīñ dhyān aayā dil mālik ho gayā

    be-takalluf mehmāñ us ghar meñ sāhab-e-ḳhāna hai

    hai junūñ meñ bhī za.īfoñ hameñ dāvat pasand

    morchoñ rizq hai zanjīr jo daana hai

    tark-e-duniyā hai jise kahte haiñ āzādī 'asīr'

    jo giraftār-e-’alā.eq hai yahāñ dīvāna hai

    har jagah hum ko hawa-e-jalwa-e-jaanana hai

    bagh mein bulbul dil apna bazm mein parwana hai

    sair mein hai ruh waqt-e-KHwab dil sine mein qaid

    shama uDti phirti hai fanus mein parwana hai

    baada-e-'aish jahan ko is mein kyun kar ho qarar

    dil mere sine mein ek TuTa hua paimana hai

    jo makan hai wo gharaunde ki tarah miT jaega

    mun’imo shauq-e-’imarat-bazi tiflana hai

    husn ke talib nahin rakhte tamiz-e-kufr-o-din

    ek parwane ko shama ka'ba-o-but-KHana hai

    har taraf se su-e-ka'aba hai ruKH qibla-numa

    aashna-e-haq hamesha KHalq se begana hai

    jis hasin ka dhyan aaya dil ka malik ho gaya

    be-takalluf mehman us ghar mein sahab-e-KHana hai

    hai junun mein bhi zaifon ki hamein dawat pasand

    morchon ka rizq hai zanjir ka jo dana hai

    tark-e-duniya hai jise kahte hain aazadi 'asir'

    jo giraftar-e-’alaeq hai yahan diwana hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now